अन्तत बामदेव बने एमाले-माओवादीका साझा नेता

नेकपा एमाले र नेकपा माओवादी केन्द्रको पार्टी एकता संयोजन समितिको बैठक सकिएको छ । बैठकले सुशासन र विकासबारे योजना बनाउन एमाले उपाध्यक्ष बामदेव गौतमको नेतृत्वमा कार्यदल गठन गरेको छ ।

नयाँ सरकारको सुशासन र विकासका प्राथमिकताबारे सुझाव दिन एमाले उपाध्यक्ष बामदेव गौतमको नेतृत्वमा ७ सदस्यीय कार्यदल गठन गरेको छ । कार्यदलमा एमालेबाट उपाध्यक्ष भीम रावल, डा. युवराज खतिवडा, डा. विजय पौडेल रहनुभएको छ भने माओवादीबाट वर्षमान पुनसहित तीन जना रहेका छन । यसैगरी बैठकले राष्ट्रियसभा सदस्यको सिट बाँडफाँट अनुमोदन गरेको छ ।

बैठकले राष्ट्रियसभा सदस्यको सिट बाँडफाँट अनुमोदन गरेको छ । यसबारे सुवास नेम्वाङ नेतृत्वको कार्यदलले नै थप गृहकार्य गर्ने नेताहरुले बताएका छन् । कार्यदलमा एमाले ४ र माओवादी केन्द्रले २ मुख्यमन्त्री लिने लगभग सहमति देखिन्छ । तर, माओवादीले एमालेले मुख्यमन्त्री पाएका ठाउँमा आफूले सभामुख पाउनु पर्ने दाबी गरेको छ भने एमालेले सभामुख पनि २ मात्र लिन प्रस्ताव गरेको छ ।

पार्टी एकता संयोजन समितिको बैठकले राष्ट्रियसभाको ४३ सिट मध्ये २९ एमाले र १४ माओवादीले लिने कार्यदलको सहमतिलाई अनुमोदन गरेको छ । नयाँ सरकारको सुशासन र विकासका प्राथमिकताबारे सुझाव दिन एमाले उपाध्यक्ष बामदेव गौतमको नेतृत्वमा ७ सदस्यीय कार्यदल गठन गरेको छ । कार्यदलमा एमालेका भीम रावल, युवराज खतिवडा, विजय पौडेल छन् भने माओवादीबाट वर्षमान पुनसहित तीन जना छन् ।

पार्टी एकताबारे ओली र प्रचण्डले थप गृहकार्य गर्ने

बैठकमा पार्टी एकताबारे छलफल भएपनि ठोस कुनै निर्णय नभएको नेताहरुले बताएका छन् । एमाले अध्यक्ष ओली र माओवादी अध्यक्ष प्रचण्डले थप गृहकार्य गर्नुपर्ने देखिएको एक नेताले बताए । दुई अध्यक्षबीच छलफल भएपछि समितिको बैठक बस्ने र संगठन तथा वैचारिक विषयमा गृहकार्य गर्न कार्यदल बनाउने समझदारी भएको छ ।

LEAVE A REPLY

Please enter your comment!
Please enter your name here