शिखर वैठक जुन १२ मैःट्रम्पद्वारा पुष्टि

वासिङटन , १९ जेठ ।
अमेरिकी राष्ट्रपति डोनाल्ड ट्रम्पले उत्तर कोरियाली नेता किम जोङ उनसँग जुन १२ मा सिङ्गापुरमा हुने भनिएको शिखर वार्ता पूर्वनिधारित समयमै हुने बताउनुभएको छ । यसअघि सिङ्गापुरमा हुने भनिएको सो वार्ता स्थिगित भएको ट्रम्पले घोषणा गर्नुभएको थियो ।

दुई देशका नेताबीच आगामी जुन १२ मा हुने भनिएको वार्ताको क्रममा एकजना उच्च उत्तर कोरियाली दूतसँग ह्वाइट हाउसमा अमेरिकी राष्ट्रपति ट्रम्पसँगको भेटवार्तापछि उहाँले वार्ता जुन १२ मा हुने पुष्टि गर्नुभएको हो ।

उत्तर कोरियाली ती दूतले कोरियाली नेताले राष्ट्रपति ट्रम्पलाई पठाएको पत्र हस्तान्तरण गर्नुभएको थियो । ट्रम्पले शिखर बैठक एउटा शुरूवात मात्रै भए पनि अन्त्यमा त्यो सफल हुने आफ्नो विश्वास रहेको बताउनुभएको छ ।

उत्तर कोरियासँग हाल जारी सम्बन्ध निकै सकारात्मक रहेको ट्रम्पले बताउनुभएको छ । केही समयपहिले शिखर वार्ता स्थिगित हुने भनि घोषणा गर्नुभएका ट्रम्पले अहिले आएर फेरि शिखर वार्ता हुने पुष्टि गर्नुभएको छ ।

LEAVE A REPLY

Please enter your comment!
Please enter your name here