Saturday, June 12 2021
ट्रेन्डिङ कोरोनाले बढायो आर्युेवेद औषधिको महत्व साउनपछि राष्ट्रिय जनगणनाको प्रस्ताव बढी शुल्क लिने अस्पतालमाथि उजुरी गर्न स्वास्थ्य मन्त्रालयको अनुरोध निषेधाज्ञामा जोखिम मोलेर धान रोप्दै किसान कोरोना सङ्क्रमण घट्यो जोखिम कायमै दशवटा भण्डारगृहमा करिब ३२ लाख मात्रा खोप सञ्चय गर्न सकिने वातावरण विनाशका कारक छन् ‘मानवीय व्यवहार’ गणतन्त्रको सफलताका लागि हाम्रो शैली र व्यवहार निरन्तर समीक्षाको विषय बन्नुपर्छ : देउवा बढ्यो बजेटको आकार: आगामी आर्थिक वर्षको बजेट १६ खर्ब ४७ अर्ब ५७ करोड बाइडेनद्वारा ६० खर्ब डलरको बजेट प्रस्तुत अब अनलाइन नवीकरण गर्नु नपर्ने नयाँ नक्सा र शान्तिवार्ता वर्ष २०७७ को महत्वपूर्ण सफलता हो : राष्ट्रपति

फ्रान्सका आउटडोर क्याफे, पसल र रेस्टुरेन्ट मे १९ बाट खुला

फ्रान्सका आउटडोर क्याफे, पसल र रेस्टुरेन्ट मे १९ बाट खुला

पेरिस — फ्रान्समा आउटडोर क्याफे, रेस्टुरेन्ट, गैरअत्यावश्यक व्यवसाय, पसलहरु मे १९ बाट खुला गरिने भएको छ ।

कोरोना भाइरसबाट संक्रमितहरुको संख्या सघन उपचार कक्षमा घट्दै गएको बेला आउटडोर काफे, पसल र रेस्टुरेन्टहरु मे १९ बाट खोल्न दिइने स्वास्थ्य मन्त्री ओलिभिय भेरँले सोमबार साँझ सार्वजनिक गरेका हुन् ।

कोरोना संक्रमणको अवस्थामा हाल सुधार आएकाले स्थिति नियन्त्रणमा रहेको भन्दै उनले आउटडोर क्याफे, पसल, गैरअत्यावश्यक व्यवसाय, रेस्टुरेन्ट खोल्न दिने बताएका हुन् । फ्रान्सको एलसीआई टीभीलाई सोमबार अपरान्ह अन्तर्वार्ता दिँदै उनले स्थिति सुधारिए पनि स्वास्थ्य अवस्था र संक्रमणको सम्भावनालाई चनाखो भएर सतर्कता अपनाउनुपर्नेमा जोड दिएका छन् ।

स्वास्थ्य मन्त्रालयको तथ्यांकअनुसार, फ्रान्सका अस्पतालमा सघन उपचार कक्षमा उपचाररत बिरामीहरुको संख्या आइतबार पाँच हजारबाट तल झरेको छ ।

मे १९ देखि प्रति टेबल बढीमा ६ जना ग्राहक मात्रै राख्न पाउनेगरि रेस्टुरेन्ट, क्याफेहरुलाई आउटडोर अनुमति दिइने भएको हो ।

कोरोना खोप लगाएको प्रमाणपत्र वा पीसीआर परिक्षण भएका विदेशी पर्यटकहरुलाई जुन महिनाको ५ देखि खुला गरिने अपेक्षा गरिएको छ । केही क्षेत्रहरूमा राखिएको साँझ ७ बजेदेखिको कर्फ्युको समय बदलेर राति ११ बजे पुर्‍याइने छ ।

कोरोनाको संक्रमण दर नियन्त्रणमै रहे जुन ३० देखि रात्रीकालीन कर्फ्यु र अन्य प्रतिबन्धहरु हटाउने पनि स्वास्थ्यमन्त्रीले सार्वजनिक गरेका छन् । तर कोरोना भाइरस रोकथामका प्रोटोकोलहरुलाइ भने सार्वजनिक स्थानमा कायम राखिने छ । नाइटक्लबहरू भने बन्द रहने छन् ।

कमेन्ट गर्नुहोस्