Saturday, September 25 2021
ट्रेन्डिङ बडादशैंको साइत सार्वजनिक, टीकाको साइत १०ः०२ बजे शुभ एमालेभित्र तीव्र असन्तुष्टि: १० बुँदे कार्यान्वयनमा १० भाइको आशंका सुन चाँदीको मूल्य घट्यो दशैँ र तिहारमा पर्याप्त फूल दिन सकिन्न - व्यवसायी दशैँ र तिहारमा पर्याप्त फूल दिन सकिन्न - व्यवसायी गठबन्धन सरकारको निर्णयसँगै २३ राजदूत पद रिक्त आधुनिक प्रविधिको प्रयोगबाट जनगणना आजदेखि भेरोसेल खोपको पहिलो मात्रा खाने तेलको मूल्य झन्डै दोब्बरले वृद्धि राष्ट्रिय आकाङ्क्षा पूरा गर्नेतर्फ अग्रसर होऔँ : अध्यक्ष ओली राष्ट्रपतिद्वारा ५२३ जनाको कैद कट्टा साझा चुनौतीमा अमेरिका र नेपालबीच सहकार्य छ : अमेरिकी विदेशमन्त्री ४४ लाख डोज भेरोसेल खोप आज आउँदै बढ्यो विद्युतीय भुक्तानीको सीमा लोभ लाग्ने गरी पाक्नै लाग्यो स्याउ, किसान खुशी ‘स्वदेशी उद्योगलाई प्रोत्साहन कायमै’ खुल्न थाले राजधानीका सङ्ग्रहालय विनियोजन विधेयकमाथि विचार गरियोस् भन्ने प्रस्ताव पारित, अर्को बैठक असोज ४ गते कृषि बीमा शुल्कको अनुदान बढाइयो क्यान्सर, मिर्गौला रोगी र मेरुदण्डका बिरामीलाई मासिक पाँच हजार संविधान दिवस भव्य रूपमा मनाइने सांसदमा विरोधकैबीच तीनवटा अध्यादेश स्वीकृत नियुफमा 'बुलबुल'देखि 'आमा खान्डो'सम्म ३७ खेलसम्म अपराजित रही इटालीले विश्व कीर्तिमान बनायो दरदेखि दारुसम्म राष्ट्रिय जनगणना कात्तिक २५ देखि मङ्सिर ९ सम्म हुने प्रतिनिधिसभा बैठक स्थगित, अर्को बैठक आगामी शुक्रबार १ बजे बस्ने काठमाडाैंमा असाेज १ गतेबाट विद्यालय सञ्चालन गर्न पाइने गोकर्णेश्वर महादेव मन्दिर क्षेत्रमा भक्तजनको भीड शेयर बजारमा देखिएको समस्या समाधान गर्न अर्थमन्त्रीको आग्रह देश, राष्ट्रियता, स्वाधिनता र जनताको हितमा सबैले बोल्न पाउनुपर्छ : अध्यक्ष ओली मन्त्रिपरिषद्ले छिट्टै पूर्णता पाउँछ, सहमतिमै बजेट संशोधन : प्रवक्ता कार्की पहाडदेखि तराईसम्मै विपतकाे कहर निमित्तका भरमा सञ्चालन हुँदै स्थानीय तह टेनिसबाट टाढिँदै ओसाका जापानका प्रधानमन्त्री योशिहिदे सुगाले राजीनामा गर्नुहुने विश्वकप छनोटमा २८ वर्षपछि स्पेनको हार महाधिवेशन सफल बनाउन नेता पौडेलको पार्टीपंक्तिमा आग्रह महाधिवेशन सफल बनाउन नेता पौडेलको पार्टीपंक्तिमा आग्रह महाधिवेशन सफल बनाउन नेता पौडेलको पार्टीपंक्तिमा आग्रह रोनाल्डोले तोडे अली देईको कीर्तिमान म्याग्दीका खोमराज ‘वर्ड ब्लाइन्ड आइडल’ आर्थिक वृद्धि ४.०१ प्रतिशत ‘युभेन्ट्सको अपेक्षा पुरा भए रोनाल्डोले क्लब छोड्न पाउँछ’ मूल्यवृद्धि र कालोबजारी गर्नेलाई कारवाही गर्न निर्देशन हामी सरकारमा सहभागी: माधव नेपाल तीन दिनसम्म भारी वर्षाकाे सम्भावना काँग्रेस महाधिवेशन तयारी प्रारम्भ काँग्रेस महाधिवेशन तयारी प्रारम्भ केन्द्रीय कारागारका सबै कैदीबन्दीलाई खोप राहदानी सङ्ग्रहालय स्थापना राहदानी सङ्ग्रहालय स्थापना दिगो विकास लक्ष्यमा न्यून प्रगति भीडभाड नगरी चाडपर्व मनाउन आग्रह भीडभाड नगरी चाडपर्व मनाउन आग्रह खोप लगाउने सङ्ख्या झन्डै दोब्बर वृद्धि सहमतिको दस्तावेज तयार, भाषा मिलाइँदै, भोलि अन्तिम रुप दिइने कोपा अमेरिका : खल्लो सुरुआत, हेर्नलायक फाइनल संक्रमण दर अझै उच्च छ, तेश्राे लहर भयावह हुनसक्छ : जनस्वास्थ्यविद् कोरोनाले बढायो आर्युेवेद औषधिको महत्व साउनपछि राष्ट्रिय जनगणनाको प्रस्ताव

पहाडदेखि तराईसम्मै विपतकाे कहर

पहाडदेखि तराईसम्मै विपतकाे कहर

हेलम्बु (सिन्धुुपाल्चोक), भदौ २० गते । नेपालमा मनसुन सुरु भएसँगै यस वर्ष पहाडदेखि तराईसम्म बाढीपहिरोको विपत्ले सतायो । अहिलेसम्म १२२ जनाले ज्यान गुमाए । ८२७ घरका स्थानीयलाई घरबारविहीन बनायो । अझै ४६ जना बेपत्ता छन् । विपत्ले सताएपछि स्थानीयसँग सरकारको मुख ताक्नुबाहेक अन्य विकल्प छैन । बाढीपहिरोले बिचल्ली बनाएको अवस्थामा कतिपयसँग न त घर छ न त रोजगारको अवस्था । राहतमा आएको पीठो, ढिँडो खाएर गुजारा गरिरहेका छन् । 
असार १ गते राति हेलम्बु गाउँपालिकाको गणेशेबगरका दमाई तामाङको अवस्था पनि नाजुक छ । उहाँको घर मेलम्ची नदीमा आएको लेदो बाढीमा विलीन भयो । श्रीमती र छोराछोरीसहित चारजनाले एकसरो कपडामा ज्यान जोगाए । अहिले नदीदेखि थोरै माथि डाँडामा त्रिपालमा बस्नुभएको छ । काखमा छोरा च्याप्दै उहाँले नदीको डिलमा बसेर पिरलो पोख्नुभयो, “ऊ त्यही थियो मेरो घर, सम्म परेको बगर देखाउँदै भन्नुभयो, अब छैन, कहाँ जाने, के गर्ने अलमल प-या छु ।” राहतको रकम कहिले आउँछ अनि घर कहाँ र कहिले बन्ला भनेर उहाँ शनिबार निरीक्षणका लागि पुग्नुभएका गृहमन्त्री बालकृष्ण खाणको बोली 
पछ्याउँदै बस्नुभयो ।

गृहमन्त्री खाणले बाढीपीडित बसेको त्रिपाल र टेन्टको घरको निरीक्षण गरेपछि भने विस्थापितलाई केही होला कि भन्ने आशा उहाँमा पलाएको छ । मेलम्ची र इन्द्रावती नदीको बाढीले सोत्तर बनाएको मेलम्ची बजारका बासिन्दा भने रहलपहल अडिएको घर उकास्न लागिपरेका छन् । स्थानीय, प्रदेश र केन्द्र सरकारको पहलमा जोगिएका घर ठड्याउन जमेका लेदो निकालिँदै छ । दोस्रो तलासम्म लेदोले पुरिएको घरको माटो निकालेर मर्मतमा लाग्नुभएकी माया दुलालले यस्तो विपत्तिको कल्पना पनि नगरेको सुनाउनुभयो । 
बाढीले पुरेको बाटो खनेर सम्याउने अनि घरभित्र पसेका लेदो निकालेर उस्कने प्रयास स्थानीय गर्दै छन् । घरबास नै गुमाएका धेरै बाढीपीडित यतिबेला आफन्तको शरणमा छन् । केहीमात्र स्थानीय विद्यालय र सामुदायिक भवनमा रहेको निमित्त प्रमुख जिल्ला अधिकारी बाबुराम खनालले 
जानकारी दिनुभयो ।

राष्ट्रिय विपत् जोखिम न्यूनीकरण तथा व्यवस्थापन प्राधिकरणले सरकारका तर्फबाट अस्थायी बासका लागि पठाएको रकमले कहाँ घर बनाउने भन्ने टुङ्गो नलाग्दा सिन्धुपाल्चोकका पीडित अन्योलमा छन् । बागमती प्रदेश सभा सदस्य युवराज दुलाल, निमा लामा, गृहसचिव टेकनारायण पाण्डे, सडक विभागका महानिर्देशक अर्जुन थापा, सिँचाइ विभागका उपमहानिर्देशक प्रदीप थापा, स्थानीय वडाध्यक्ष निमा ग्याल्जेन शेर्पा तथा केन्द्र सरकारसँग सरोकार राख्ने अन्य उच्चाधिकारीसँग सोही स्थानमै छलफल गरेर कामको प्रगति विवरणको जानकारी दिनुभयो । 
नेपाली सेनालाई सडक र पुल बनाउन जिम्मा दिएको र पीडितलाई पुनर्बासको काम थालिएको प्राधिकरणका प्रमुख पोखरेलले जवाफ दिनुभएको थियो । गृहमन्त्रीले बाढीले ३० फिटभन्दा बढी पुरिएको र बगाएको मेलम्ची बजारको वर्तमान अवस्थाको निरीक्षण गर्नुभयो । निरीक्षणपछि स्थानीयलाई सरकारले तत्कालका लागि चाहिने ठाउँमा पुल, कजवे निर्माण गर्ने निर्णय भइसकेको जानकारी दिनुभयो । 
सिन्धुपाल्चोक समाचारदाता चित्र मिजारका अनुसार मेलम्ची खानेपानी आयोजनाको हेड वक्र्स र मानव बस्ती संरक्षण गर्न विस्तृत अध्ययन गरी पुनर्निर्माण र संरक्षणमा चीन र भारतका विज्ञहरूको अनुभवसमेत प्रयोग गरिने गृहमन्त्री खाणले जानकारी दिनुभएको थियो ।

टोली कटान क्षेत्रमा 
मेलम्चीपछि सप्तकोसी नदीले अधिक कटान गरिरहेको उदयपुरको बेलका नगरपालिकामा गृहमन्त्री खाणसहितको टोलीले निरीक्षण गर्नुभयो । सप्तकोसीको कटान तीव्र भएर पुरानै धारमा फर्कने हो कि भन्ने त्रासबीच मन्त्री खाणले त्यहाँको कटान रोक्न सरकारको आवश्यक पहललाई तीव्रता दिने र नेपाल र भारतबीच नदीका विषयमा भएको दुईदेशीय सम्झौता र समझदारीको विषयमा पुनरावलोकन गर्न पहल गर्ने र आवश्यक कूटनीतिक प्रयास गर्ने औँल्याउनुभयो । उदयपुर समाचारदाता भक्तिविलास पोखरेलका अनुसार मन्त्री खाणले जनताको जिउधनको सुरक्षा गर्नु सरकारको मुख्य जिम्मेवारी भएकाले पनि नदी कटान रोक्न कुनै कसर बाँकी नराख्ने बताउनुभयो । 
मन्त्री खाणले तत्काल सु्रक्षा निकाय र स्थानीयले बस्ती जोगाउन गरेको पहलको सराहना गर्दै पुरानो प्रचलनअनुसार बालुवासहितको बोरा र बाँसको बारले केही समय कटान रोक्न सबै मिलेर काम गर्न निर्देशन दिनुभयो । दीर्घकालीन योजनामा के गर्ने भन्ने विषयमा सरकारले समीक्षासहित अगाडि बढ्ने औँल्याउनुभयो ।

बेलका नगरपालिकाका नगरप्रमुख दुर्गाकुमार थापाले कोसीको बाढीले कटान रोक्न तत्कालीन र दीर्घकालीन योजना बनाउँदै करिब १० हजार हेक्टर उर्वर जमिनको सुरक्षा गर्न गृहमन्त्री खाणसमक्ष ज्ञापनपत्र बुझाउनुभएको थियो । धनुषा र सप्तरी जिल्लाबीचमा रहेको कमला नदीले यस वर्ष आफ्नो धार परिवर्तन गरेको स्थानमा पनि मन्त्री खाणले निरीक्षण गरी मानव बस्ती जोगाउनका लागि सरकार र सबै निकायको पहल आवश्यक रहेको प्रस्ट पार्नुभयो । 
कटान भएपछि बस्तीमा पस्ने भएकाले जति बाँकी छ, त्यो जोगाउन सरकारले दातृनिकायसँग थप बजेटको पहल गर्दै पुराना परियोजनाको निरन्तरतामा जोड दिने जानकारी दिनुभयो । गृह मन्त्रालयमा पुगेका विपत् व्यवस्थापनसम्बन्धी फाइल तत्काल पास गरेर आवश्यक कदम चाल्ने आश्वासन उहाँले दिनुभयो ।

 

कमेन्ट गर्नुहोस्