जाजरकोट, भदौ २ गते । गत साउन २९ गतेको अविरल बर्षापछि नलगाड नगरपालिका १० तासुगाड खोलामा आएको बाढीले पुल बगाएपछि जोखिम मोलेर खोला वारपार गर्ने गरेका छन् ।
बाढीले आसपास घर टहरा, पुलसहित सडक अवरुद्ध हुँदा आउजाउ गर्ने बैकल्पिक बाटो नभएपछि खोलामा तुइन लगाएर खोला वारपार गर्न थालेका छन् । बाढीका कारण भेरीकरिडोर अन्तर्गत जाजरकोट–डोल्पा सडकखण्ड पूर्ण रुपमा बन्द, आउजाउ गर्ने पुल बगाएपछि समस्यामा परेका सर्वसाधारण जोखिम मोलेर वारपार गर्न थालेका छन् ।
खोलामा पानीको बहाव नघटेपछि आउजाउका लागि स्थानीयले तुइन जोडेका छन् । नलगाड नगरपालिका १० का खिमबहादुर मल्लका अनुसार बाढीले पुल सडक बगाएपछि बैकल्पिक बाटो नहुँदा समस्यामा परेका सर्वसाधारणलाई आउजाउमा सहज बनाउन स्थानीयबासीले निर्माण गरेको बताउनुभयो ।
सडक बाटो पूर्णरुपमा बन्द भएपछि स्थानीयले बैकल्पिक व्यवस्था गरेको बताउनुभयो । बाढीका कारण जोखिमा परेका जनतालाई अत्यावश्यक काम लगायत विरामी परेपछि स्वास्थ्य संस्था तथा अस्पतालमा ल्याउन सहज होस् भन्ने उद्देश्यले निर्माण गरिएको हो ।
उहाँका अनुसार नलगाड नगरपालिकास्थित तीनवटा वडाका जनता विरामी परेपछि उपचारका लागि नगर अस्पताल दल्ली लैजान समस्या भएको छ । सहज रुपमा आउजाउ गर्न नपाउँदा सुत्केरी, गर्भवति महिला, विरामी स्वास्थ्य सेवा पाउनबाट बञ्चित भएका छन् ।
अविरल बर्षा भइरहेकाले बाढीको बहाव बढ्ने स्थानमा प्राविधिको अनुमतिविना जोखिम कार्य नगर्न स्थानीय प्रशासनले आग्रह गरेको छ । नलगाड नरपालिकाका उपप्रमुख देवका लामिछानेले खोलामा तुइन लगाउन स्थानीय सरकारलाई जानकारी नभएको बताउनुभयो ।
झोलुङ्ले पुल र सडकमा क्षति पुगेपछि आसपासका सर्वसाधारणले सास्ती पाउने गरेका छन् । बाटो पुल बगाएपछि नलगाड नगरपालिका १०, ११, १२, १३ का सर्वसाधारण नगरपालिकाको प्रशासनिक केन्द्र तथा विरामी परेका सर्वसाधारणलाई औषधी उपचारबाट बञ्चित भएपछि सहजतका लागि जोखिम भए पनि स्थानीयले निर्माण गरेको बताउनुभयो ।
उहाँका अनुसार बैकल्पिक सडक बाटो नहुँदा नलगाड नगरपालिकाका तीनवटा वडासहित रुकुम पश्चिमको आठबिसकोट नगरपालिकास्थित गोतामकोटका सर्व साधारण सहजरुपमा आउजाउबाट बञ्चित भएका छन् ।
बैकल्पिक बाटो निर्माण गर्न पहल गरे पनि खोलामा पानीको बहाव नघटेका कारण समस्या भएको उहाँको भनाइ छ । बाढीले पुल सडक बगाएपछि जनता विचल्लीमा परेका छन् ।
कमेन्ट गर्नुहोस्